Oddaleikur Skautafélags Akureyrar og Bjarnarins um Íslandsmeistaratitilinn i íshokkí hefst á Akureyri klukkan 19. Fylgst er með gangi mála hér á mbl.is.

Úrslitaleikurinn milli SA og Bjarnarins hefst nú kl 19 á Akureyri. Mbl.is er á staðnum í Skautahöllinni og er hún að fyllast þótt enn sé nokkuð í leik. Áhangendur Bjarnarins eru fjölmargir enda óþarfi að missa af því ef Björninn vinnur sinn fyrsta Íslandsmeistaratitil í mfl. karla. Hið gamalreynda lið SA ætlar að sjálfsögðu ekki að láta það gerast og við getum lofað hörkuleik.